لاہور۔2دسمبر(اے پی پی)وزیراعلی پنجاب چودھری پرویز الہ?? صوبے دی کچی آبادیاں دے واسیاں کیتے وݙا اعلان کریندے انہاں کوں مالکانہ حقوق ݙیوݨ دی منظوری ݙتی اے اتے منصوبے کیتے بورڈ آف ریونیو توں حتمی سفارشات منڳ ڳھدن۔ اے فیصلہ انہاں لاہور اچ ہک اعلیٰ سطح اجلاس دی اڳواݨی کریندے کیتے۔ انہاں مالکانہ حقوق سانڳے لیگل فریم ورک دے تحت فوری اقدامات دی ہدایت کریندے تیکھے معاملہ نمٹاوݨ دا آکھیے جو کچی آبادیاں اچ 10 مرلے تئیں اراضی آلے مک??ناں کوں مالکانہ حقوق ݙتے ویسن جیندی سمری کابینہ اجلاس اچ ٻھیڄی ویسی اتے کچی آبادیاں دے واسیاں کوں سر دی چھٹ ݙیوݨ دا خواب سڄھایا ویسی۔ وزیراعل?? صوبے اچ ساریاں کچی آبادیاں دی تفصیلات وی منڳین۔