اسلام آباد۔6اگ??ت (اے پی پی) وفاقی وزیر اطلاعات تے نشریات مریم اورنگزیب آکھیا جو قانون کوں چکما ݙتے تے اداریاں تے حملہ کر تے مقدمیاں توں بچیا نی ونڄ سڳدا، چیئرمین پی ٹی آئی آ??ݨے دفاع اچ ثبوت پیش نی کر سڳیے، انہاں دی گرفتاری دا سیاست نال کوئی تعلق کائنی۔ پر امن احتجاج کہیں وی سیاسی جماعت یا کارکن داجمہوری حق اے، چیئرمین پی ٹی آئی دی گرفتاری تے کوئی احتجاج نی تھیا۔ عوام کوں ولا ولا بے وقوف نی ٻݨایا ونڄ سڳدا۔ عدالتاں موجود ہن۔ الزامات دا جواب ݙیوݨ دا ساریاں کوں حق اے۔ بی بی سی ورلڈ کوں آ??ݨے ہک انٹرویو اچ انہاں آکھیا جو چیئرمین پی ٹی آئی دی اڄوکی گرفتاری دا پاکستان دی سیاست نال کوئی تعلق کائنی۔ انہاں آکھیا جو چیئرمین پی ٹی آئی دے خلاف توشہ خانہ کیس اچ سارے مراحل پورے تھین۔ ٹرائل کورٹ فیصلہ ڈتے جئیں تے انہاں کوں گرفتار کیتا ڳے ایندا سیاست نال کوئی تعلق کائنی۔ انہاں تے الزام ہئی جو انہاں اختیارات دا ناجائز استعمال کیتے۔ ایں توں علاوہ ٻئے چار مقدمیاں اچ 19 کروڑ برطانوی پاؤنڈز دی چوری، سائفر، سانحہ 9 مئی اتے ممنوعہ فنڈنگ کیس وی ٹرائل کورٹ اچ ہن۔ انہاں آکھیا جو توشہ خانہ کیس اچ ٹرائل کورٹ فیصلہ جاری کیتے۔ ہک سوال دے ولدے اچ وفاقی وزیر اطلاعات آکھیا جو ہک ایجھے بندے کوں کھلی چھوٹ نی ??تی ونڄ سڳدی جئیں اختیارات دا ناجائز استعمال کیتا ہووے۔ انہاں دی گرفتاری عدالتی حکم تے تھئی اے۔ انہاں آکھیا جو جݙاں ترائے واری دے منتخب وزیراعظم نواز شریف کوں گرفتار کیتا ڳیا ہئی تاں انتخابات بلکل نیڑے ہن۔ انہاں کوں انہاں دی د??ی سودھا گرفتار کر تے جیل ٻھیجیا ڳیا ہئی۔ عمران خان آ??ݨے سیاسی حریفاں کوں جیلاں اچ پاتے۔ آ??ݨے اختیارات دا ناجائز استعمال کیتے، نیب اتے ایف آئی اے کوں استعمال کیتا۔ وفاقی وزیر اطلاعات آکھیا جو قانون اچ آ??ݨے عملاں داجواب دہ تھیوݨا پوندے۔ ایندا سیاست نال کوئی تعلق کائنی۔ عمران خان سانحہ نو مئی دی منصوبہ بندی کیتی۔ حساس تنصیبات تے حملے کرائے۔ آپݨی قومی تنصیبات، ہسپتالاں اتے ایمبولینسز کوں ساڑیا۔ وفاقی وزیر اطلاعات آکھیا جو ڄݙاں عمران خان وزیراعظم ہن تاں پارلیمنٹ دے بنچاں تے پہلی ݙو صفاں سلاخاں دے پچھوں ہن۔ اوں ویلھے عمران خان کوں عالمی تنظیماں میڈیا پریڈیٹر دا خطاب ݙتا جڈانجو انہاں تنظماں آزادی اظہار رائے دے معاملے اچ اساݙے دور اچ پاکستان دی ریٹنگ ست درجے بہتر کیتی۔ انہاں آکھیا جو عمران خان دے دور اچ پوری اپوزیشن جیلاں اچ ہئی۔ اساں کہیں ہسپتال یا سکول تے حملے نی کرائے۔ اساݙے میلاں تے لمبے پر امن احتیاجی مظاہرے ہوندے ہن پر اساں کہیں عمارت، پی ٹی وی، ریڈیو پاکستان، ایمبولینس، سکولاں یا ہسپتالاں تے حملے تھیندے نی ??ٹھے۔ انہاں آکھیا جو اے نواں رجحان ݙٹھے جو کہیں سیاست جماعت پٹرول بم استعمال کیتے ہوون۔
