راولپنڈی۔30مئی (اے پی پی):فارمیشن کمانڈرز کانفرنس افغانستان دی سرحد پارتوں مسلسل خلاف ورزیاں تے افغان سرزمین استعمال کریندے ہوئیں دہشتگردی دی منصوبہ بندی تے سخت تحفظات دا اظہار کریندے ہوئیں آکھیے پاکستان دے دشمن پاکستان دے اندر سکیورٹی فورسز اتے نشوم شہریاں کوں نشانہ بݨاوݨ سانڳے افغانستان کوں استعمال کریندے پئن، ملک دے وسیع تر مفاد اچ لازمی اے جو 9 مئی دے منصوبہ سازاں، مجرماں، ایندی حوصلہ افزائی کرݨ آلیں تے سہولت کاراں کوں انصاف دی کچا??ی اچ گھن آیا ونڄے ، قانون تے عمل کوں قائم کرݨ تے نو مئی دے مجرماں دے خلاف وختی تے شفاف عدا??تی اتے قانونی کارروائی دے بغیر ملک ایجھے سازشی عناصر دے ہتھوں ہمیشہ یرغمال رہسی ۔آئی ایس پی آر موجب پاک فوج دےسربراہ جنرل سید عاصم منیر دی صدارت اچ 83??یں فارمیشن کمانڈرز کانفرنس جی ایچ کیو راولپنڈی اچ تھئی ۔کانفرنس اچ کور کمانڈرز، پرنسپل سٹاف آفیسرز اتے پاک فوج دے سارے فارمیشن کمانڈرزشرکت کیتی ۔ فورم دے شرکا شہدادے ثواب سانڳے فاتحہ پڑھی ۔ فورم ملک دی حفاظت، سلامتی اتے خودمختاری سانڳے مسلح افواج دے افسر تے نینگر ، قانون نافذ کرݨ آلے اداریں تے پاکستان شہریاں سودھے شہدا دی عظیم قربانیاں کوں زبردست خرا ج عقیدت پیش کیتے ۔فورم کوں جیو اسٹریٹجک حالات، قومی سلامتی سانڳے اُبھردے ہوئے چیلنجز اتے ملٹی ڈومین خطرات نال نبݨݨ سانڳے پاک فوج دی حکمت عملی دا ݙسائے ۔ شرکا کوں پاک فوج کوں جدید بݨاوݨ تے فیلڈ فارمیشنز سانڳے لاجسٹک سپورٹ کوں بہتر بݨاوݨ سانڳے نویں تکنیکی تخلیقات بارے بریفنگ ݙتی ڳئی ۔فورم دہشتگردی دے خلاف جنگ اچ نویں ضم تھئے ضلعے دے عوام دی قربانیاں دا اعتراف کیتے۔فورم دہشتگردی کوں فیصلہ کن شکست ݙیوݨ سانڳے نویں ضم تھئے ضلعے دی ترقی دی اہمیت تے زور ݙتا ۔فورم بلوچستان اچ سماجی و اقتصادی ترقی دی لوڑھ تے وی زور ݙتا جݙاں جو ٻاہرلے طور تے پروپیگنڈہ کرݨِ آلیں نال مقابلہ کیتا ونڄے سڳے ۔ فورم مشرقی سرحد تے موجودہ صورتحال اتے بھارت دے غیر قانونی زیر تسلط جموں و کشمیر اچ نشوم کشمہریاں دے ماورائے عدالت قتل دے تازہ ترین واقعات دا جائزہ ڳھدے۔ فورم اقوام متحدہ دی سلامتی کونسل دی قرارداداں موجب حق خودارادیت سانڳے کشمیریاں دی منصفانہ جدوجہد اچ مکمل یکجہتی دا اظہار کیتے۔ ۔آرمی چیف مختلف مشقاں اچ فارمیشنز دی اعلیٰ و معیار ی تربیت اتے انسداد دہشتگردی دی کارروائیاں اچ افسراں تے نینگراں دی شاندار کارکردگی دی تعریف کیتی ۔آرمی چیف فارمیشنز دے اُچے حوصلے تے ہر ویلھے آپریشنل تیاریاں دی تعریف کیتی ۔ شرکا حاضر سروس، ریٹائرڈ افسراں تے جواناں دی تربیت، انتظامیہ اتے فلاح و بہبود سانڳے فوجی سطح تے کیتے ونڄݨ آلے اقدامات تے مکمل اطمینان دا اظہار کیتے ۔ فورم یوم تکبیر تے پاکستان دی طرفوں حاصل کیتے ڳئے اہم سنگ میل تے خطے تے ایندے مستحکم اثرات دی تعریف کیتی ۔کانفرنس دا اختتام ایں عزم نال تھئے جو ملک دی سلامتی تے استحکام کوں پیش آندے سارے خطریں کوں قابل فخر قوم دی مکمل حمایت نال ناکام بݨایا ویسی۔
