پاکستان مصنوعی ذہانت، تعلیم تے صحت دے شعبیں اچ بہترین کارکردگی دا مظاہرہ کرݨ سانڳے پرعزم اے، وزیراعظم محمد شہباز شریف دا فیوچر انویسٹمنٹ انیشیٹو اجلاس توں خطاب
Prime Minister Muhammad Shehbaz Sharif delivering his keynote speech at the 8th meeting of Future Investment Initiative in Riyadh on October 29, 2024.
ریاض۔29اکتوبر(اے پی پی) وزیراعظم محمد شہباز شریف مصنوعی ذہانت، تعلیم اتے صحت دے شعبیں اچ جدت طرازی دے ذریعے علم تے مبنی معیشت دی اہمیت کوں اجاگر کریندے عصر حاضر دے چیلنجز تے قابو پاوݨ سانڳے اجتماعی عالمی کوششاں تے شراکت داری دی لوڑھ تے زور ݙتا، انسانی ترقی دا مستقبل کلھیپے اچ کائنی اے جت دے نتیجے سانڳے رل تے کم کرݨ اچ تعاون اچ مضمر اے، عالمی سطح تے انسانی ترقی اتے تبدیلی اوں ویلھے تئیں ممکن کائنی جݙاں تئیں غزہ اچ امن بحال نی تھیندا تے خونریزی بند نی تھیندی ۔ اے ڳالھ انھاں ݙو ݙینھ وار فیوچر انویسٹمنٹ انیشیٹو (ایف آئی آئی) دے اٹھویں اجلاس دے افتتاحی سیشن توں خطاب کریندے آکھی ۔ وزیراعظم آکھیے اساں تساکوں سرمایہ کاری دی دعوت ݙیندوں تان جو تساں آپݨی مہارت تے تخلیقی صلاحیتاں کوں پاکستان اچ گھن آؤ کیوں جو اساں ھک ایجھے مستقبل دی تعمیر کریندوں جیں دیاں پاڑاں لچک اتے مشترکہ خوشحالی تے ہوون ۔ انھاں آکھیے اے ݙسیندے خوشی تھیندی پئی اے جو پاکستان وی تبدیلی دے سفر تے گامزن اے جیڑھا جو لچک، قربانی ،استحکام تے ترقی دی انتھک تلاش دا سفر اے۔ وزیر اعظم مستقبل دے لائحہ عمل دا ح??ال?? ݙیندے آکھیے پاکستان ترائے اہم شعبیں مصنوعی ذہانت، تعلیم تے صحت اچ جدت طرازی دے ذریعے علم تے مبنی معیشت دی بنیاد رکھیندا پئے جیں اچ او فیدہ مند شراکت داری بݨاوݨ چاہندے ، مصنوعی ذہانت ھک رجحان توں کتھائیں ودھ اے ، اے معیشتاں، معاشریں تے صنعتاں اچ انقلاب گھن آلی قوت اے ۔ ایں نازک موڑ تے پاکستان نہ صرف مصنوعی ذہانت کوں اپنیندا پئے بلکہ اساں ایں اچ بہترین کاکردگی ݙکھالݨ سانڳے پرعزم ہیسے ، انھاں دا مقصد واضح اے جو نینگر ذہناں کوں مصنوعی ذہانت دی حدود دی نویں سروں بݨاوݨ دی ترغیب ݙیون، ہنر مند انجینئراں اتے ڈیٹا سائنسداناں کوں پاکستان اچ مصنوعی ذہانت دی ترقی تے صنعتاں اچ مصنوعی ذہانت دی طاقت کوں بروئے کار گھن آوݨ سانڳے آپݨی افرادی قوت کوں لیس کرݨ سانڳے ریڑھ دی ہݙی دے طور تے تربیت ݙیون۔ انھاں آکھیے سعودی ع??ب اتے ہم خیال عالمی شراکت داراں نال رل تے پاکستان مصنوعی ذہانت کوں تعصبات توں پاک بھلائی دی طاقت دے طور تے ݙیکھدے ، اڄوکے سال مارچ اچ اقتدار سنبھالݨ دے بعد توں عوام دی ترقی تے خوشحالی انھاں دی حکومت دی توجہ دا مرکز رہی اے۔آپݨے عوام دے عزم تے بھرا ملک سعودی عرب جیھے اپݨے شراکت داراں دی حمایت توں انھاں معاشی استحکام کوں بحال کیتے اتے ہݨ پائیدار ترقی دے دور اچ داخل تھیوݨ سانڳے تیار ہیسے ۔وزیراعظم شہباز شریف آکھیے اے سفر صرف ساݙا کائنی بلکہ دنیا دے ساݙے دوستاں سانڳے ھک موقع اے کیوں جو اساں سارے رل تے تکڑے ہیسے اساں رل تے ایجھا مستقبل بݨا سڳدوں جیڑھا جدت طرازی، خوشحالی تے کامیاب?? نال متعین ہووے۔انہاں مزید آکھیے پاکستان کوں ھک ایجھی قیمتی چیز نال نوازیا ڳئے جیڑھے نینگر ہن جیڑھے ساݙا مستقبل ہن، باصلاحیت، لچکدار تے انتھک جذبے توں لیس او ہݨ ابھردے چیلنج دا مقابلہ کرݨ سانڳے تیار ہن ۔ سعودی ولی عہد شہزادہ محمد بن سلمان دی طرفوں وژن 2030 دے ح??ال?? نال وزیراعظم آکھیے پاکستان مشترکہ مشن رکھیندے تے مستقبل دی تشکیل سانڳے آپݨے نینگراں اچ سرمایہ کاری کریندے ،اے ساݙی مستقل کوشش اے جو ساݙے نینگراں کوں معیاری تعلیم، ڈیجیٹل شمولیت اتے تکھے بدلدی دنیا اچ اڳوں ودھݨ سانڳے درکارضروری آلات دے ذریعے بااختیار بݨایا ونڄے ۔انھاں آکھیے پاکستان اچ دانش سکولز تے ایجوکیشن انڈومنٹ فنڈ جیھے منصوبیں انھاں لوکاں سانڳے معیاری تعلیم کوں قابل رسائی بݨائے جیڑھا کݙاہیں ھک ناقابل حصول خواب دے طور تے ݙیکھدے ہن ، اے گریجویٹ صرف طالب علم کائنی او ڈاکٹراں، انجینئراں اتے جدت طرازاں دے طور تے کل دے معمار ہن، او پیش پیش ہن، ترقی اڳوں ودھیندے پئن ۔ وزیر اعظم مزید آکھیے صحت انسانی ترقی دی بنیاد اے اتے پاکستان دے ہیلتھ کیئر سیکٹر اچ 275,000 توں ودھ رجسٹرڈ ڈاکٹرز موجود ہن ،اے نینگر ہیلتھ ٹیک دے نویں حل پیش کریندے پئن ،صحت دی ݙیکھ بھال دے معیار اچ پیشرفت دے نال انھاں ھک ایجھے مستقبل دا تصور کیتے جتھاں انھاں ڈاکٹراں تے سائنسداناں صحت مند کل سانڳے سرحداں دے آر پار تعاون کیتے۔ انھاں آکھیے کنگ ایڈورڈ میڈیکل کالج، نسٹ اتے آغا خان یونیورسٹی جیھے اداریں اچ تشخیص، علاج تے بیماریاں دی روک تھام دے شعبیں اچ کامیابیاں دے وسیع امکانات موجود ہن، پاکستان کڈنی اینڈ لیور انسٹی ٹیوٹ اینڈ ریسرچ سینٹر (پی کے ایل آئی) اچ جیڑھا خصوصی نگہداشت اتے تحقیق اچ ھک بہترین مرکز اے او لوکاں کوں جدید ترین طبی خدمات ݙیوݨ دے عزم تے قائم اے ۔ انھاں اے ڳالھ تے زور ݙتے جو عالمی سطح تے انسانی ترقی اتے تبدیلی ایں ویلھے تئیں ممکن کائنی جݙاں تئیں غزہ اچ امن بحال نی تھیندا تے خونریزی بند نی تھیندی ۔وزیراعظم شہباز شریف خادم حرمین شریفین شاہ سلمان بن عبدالعزیز اتے سعودی عرب دے ولی عہد شہزادہ محمد بن سلمان دا وی دلوں شکریہ ادا کیتے جنھاں عالمی رہنماواں، ماہرین اتے سول سوسائٹی دے اہم اجتماع دے انعقاد اچ غیر معمولی بصیرت اتے دور اندیشی دا مظاہرہ کیتے۔
