فاٹا انضمام توں بعد جنوبی پنجاب صوبہ دا کریڈٹ وزیراعظم عمران خان دا ہوسی،وفاقی وزیر اطلاعات
APP09-17
ISLAMABAD: August 20 - Federal Minister for Information and Broadcasting, Fawad Chaudhary, assumed his office. APP
اسلام آباد ۔ 20 دسمبر (اے پی پی) وفاقی وزیر اطلاعات و نشریات چوہدری فواد حسین آکھیے جو فاٹا انضمام توں بعد جنوبی پنجاب صوبہ دا کریڈٹ ویوزیراعظم عمران خان دا ہوسی، سابقہ دور حکومت اچ جہلم‘ لودھراں‘ راجن پور‘ چکوال اتے بئے ضلعیاں اچ مخصوص طریقے نال پیسہ خرچ کیتا گئے تہوں اے علاقے بنھاں علاقیاں آلی کار ترقی نئیں کر سگیے۔قومی اس??بلی اچ الویندے ہوئیں انہاں آکھیا جو این ایف سی ایوارڈ دی تشکیل سانگے حالی تئیں سندھ حکومت اپنڑا کوئی نمائندہ مقرر نئیں کیتا، سابقہ حکومت دی سیاست ایہا ہئی جو کجھ علاقیاں کوں نوازو اتے کجھ کوں محروم رکھو،لاہور دے 7100 روپے فی کس آمدن دے مقابلے اچ راجن پوردی فی کس آمدن 2400 روپے ہئی، اج وی وزیراعظم کابینہ اجلاس اچ ہدایت کیتی اے جو سارے وڈے شہراں دا ڈویلپمنٹ پلان پیش کیتا ونجے، ساڈا اے وعدہ اے جو وسائل دی مساوی تقسیم یقینی بنڑائی ویسی، تاں جو ریاست مدینہ االی کار عام آدمی ک??ں ترقی ڈیونڑ، انصاف، برابر وسائل کیتے اقدامات کیتے ونج سگن۔انہاں آکھیے جو حکومت کہیں وی رکن قومی اس??بلی دا ناں ای سی ایل اچ نئیں پاتا جیہرے رکن دا وی ناں ای سی ایل تے ہا اوکوں ہٹا ڈتا گئے۔انہاں آکھیے جوجنوبی پنجاب صوبہ کیتے کون کتنا مخلص اے اے پوری قوم جانڑدی اے،انشاءاللہ جنوبی پنجاب صوبے بنڑاونڑ دا کریڈٹ وی وزیراعظم عمران خان کوں ویسی۔
