وزیراعظم ذاتی طورتے لبنان تے غزہ دے متاثرین کوں ریلف ݙیوݨ دی ہدایت کیتی اے ،وفاقی وزیراحسن اقبال
Islamabad, October 19, 2024: NDMA held coordination meeting for humanitarian assistance for Gaza and Lebanon.
اسلام آباد۔19اکتوبر(اے پی پی) وفاقی وزیر منصوبہ بندی ترقی واصلاحات وخصوصی اقدامات پروفیسر احسن اقبال آکھیے وزیراعظم شہبازشریف ذاتی طور تے لبنان تے غزہ اچ جنگ توں متاثرہ لوکاں کوں ریلیف ݙیوݨ دی ہدایت کیتی اے ایں ضمن اچ وزیراعظم ریلیف فنڈ برائے غزہ اتے لبنان قائم کیتا ڳئے تاں جو پاکستانی عوام دی طرفوں آپݨے ضرورت مند بھراوی?? تے بھیݨاں سانڳے عطیات دی سہولت ݙتی ونڄ سڳے، اے ڳالھ انھاں نیشنل ڈیزاسٹر مینجمنٹ اتھارٹی (این ڈی ایم اے) اچ غزہ تے لبنان دی جنگ توں متاثرہ آبادیاں سانڳے پاکستان دی جاری انسانی امداد دیاں کوششاں دا جائزہ گھنݨ تے منصوبہ بندی سانڳے اعلیٰ سطح دے رابطہ اجلاس دی صدارت کریندے آکھی ۔ وفاقی وزیر احسن اقبال تے ??یئرمین این ڈی ایم اے لیفٹیننٹ جنرل انعام حیدر ملک مشترکہ طور تے اجلاس دی صدارت کیتی۔ اجلاس اچ وزیراعظم آفس، وزارت خارجہ اتے این ڈی ایم اے دے سینئر حکام وی موجود ہن زوم دے ذریعے لبنان، اردن، شام اتے عراق دے سفیراں وی شرکت کیتی۔ اجلاس اچ غزہ تے لبنان دے لوکاں دی وختی ضرورتا?? تے امدادی سامان روانہ کرݨ متعلق لاجسٹک چیلنجز تے ??الھ تھعی ۔ لبنان دے سفیر حکومت پاکستان دی طرفوں ݙتی ونجݨ ??لی وختی امداد تے آکھیے جو پاکستان ایں نازک ویلھے لبنان دے عوام کوں ریلیف بھیجݨ آلے پہلے ترائے ملکاں اچ شامل اے ۔ ہݨ تئیں پاکستان غزہ تے لبنان سانڳے1251 ٹن امدادی چیزاں دیاں کل 12 کھیپاں روانہ کیتن انھاں اچوں 10 کھیپاں غزہ جݙاں جو ݙو لبنان بھیجاں ڳئن ۔ امدادی پیکج وچ ضروری چیزاں جیویں خیمے، ترپال، فوڈ پیک،بسترے، دوائیں ، حفظان صحت دی کٹس اتے ٻیا ضروری سامان شامل ہئی ۔ اجلاس اچ وفاقی وزیر احسن اقبال ایں ڳالھ تے زور ݙتے جو وزیراعظم شہبازشریف ذاتی طور تے لبنان اتے غزہ کوں ریلیف ݙیوݨ دی ہدایت کیتی اے انھاں دی ہدایت دی روشنی اچ وزیراعظم ریلیف فنڈ غزہ اتے لبنان بݨایا ڳئے تاں جو پاکستانی عوام دی طرفوں آپݨے ضرورت مند بھراوی?? تے بھیݨاں سانڳے عطیات دی سہولت ݙتی ونڄے سڳے ۔ وفاقی وزیر لبنان، فلسطین اتے شام اچ پاکستان دے سفیراں نال سرگرم انسانی تنظیما?? تے جنگ توں متاثرہ علاقیں اچ امداد دی ونڈ دے ذرائع بارے وی تفصیلی بر??فن?? ڳھدی۔
