لاهور – 12 – مارچ (اي پي پي) اطلاعات ۽ نشريات واري مملڪتي وزير فرخ حبيب چيو آهي ته مخالف ڌر وارا جيترو چاهين واسڪٽون ۽ شيروانيون سبرائين انهن جي آخري منزل اڊيالا جيل آهي، وزيراعظم عم??ان خان جي خلاف بي اعتمادي رٿ جي ناڪامي کانپوءِ مخالف ڌر هڪ ٻئي جي خلاف بي اعتمادي ڪندا، اتحادي اسان جا لاڏلا آهن ۽ انهن کي سدائين سيني سان لڳا??ي رکيو، اهي وزيراعظم سان گڏ هئا، آهن ۽ رهندا. اهڙن خيالن جو اظهار هن حافظ آباد پريس ڪلب ۾ پريس ڪانفرنس کي خطاب ڪندي ڪيو. مملڪتي وزير فرخ حبيب چيو ته وزيراعظم عم??ان خان جي خلاف بي اعتمادي رٿ جي ناڪامي کانپوءِ مخالف ڌر جا ماڻهو هڪ ٻئي جي خلاف بي اعتمادي ڪندا، اتحادي اسان جا لاڏلا آهن ۽ انهن کي سدائين سيني سان لڳا??ي رکيو، اهي وزيراعظم سان گڏ هئا، آهن ۽ رهندا. هن چيو ته بي اعتمادي رٿ کان اڳ اسلام آباد ڊي چوڪ ۾ وڏي عوامي ميڙ سان مخالف ڌر جون اکيون کلي وينديون، نواز شريف ۽ آصف علي زرداري جي دور ۾ 400 ڊرون حملا ٿيا پر وزيراعظم عم??ان خان اقتدار ۾ اچڻ کان اڳ واعدو ڪيو هو ته هو ڪنهن جي اڳيان نه جهڪندو ۽ نه قوم جو ڪنڌ جهڪڻ ڏيندو. مملڪتي وزير چيو ته وزيراعظم عم??ان خان ناموس رسالت ۽ اسلامو فوبيا جو ڪيس جهڙي طرح وڙهيو پوري دنيا ان جي معترف آهي ۽ وزيراعظم عم??ان خان غيرملڪي قوتن کي ايبسوليوٽلي ناٽ چئي قوم جو ڳاٽ فخر سان بلند ڪري ڇڏيو آهي، ملڪي تاريخ ۾ پهريون ڀيرو آزاد ۽ خودمختيار پرڏيهي پاليسي جو بنياد رکيو ويو آهي. فرخ حبيب چيو ته پاڪستان کي هن وقت عم??ان خان جهڙي دلير قيادت ۽ ل??ڊر جي ضرورت آهي، عوام پرچيءَ واري وزيراعظم کي ڪنهن به صورت ۾ پسند نه ڪندي. هن چيو ته مخالف ڌر وارا جيترو چاهين واسڪٽون ۽ شيروانيون سبرائين پر انهن جي آخري منزل اڊيالا جيل آهي. هن چيو ته مولانا فضل الرحمان جو بي اعتمادي رٿ جي ناڪامي جي صورت ۾ ملڪ ۾ انارڪي جي خدشي وارو بيان ملڪي حالتن کي خراب ڪرڻ جو اشارو آهي جنهن کي ڪنهن به صورت ۾ ڪامياب ٿيڻ نه ڏينداسين. هن وڌيڪ چيو ته مخالف ڌر جا ماڻهو ۽ انهن جا ننها مُنا ٻار رڳو پنهنجي ڪرپشن جي رقم کي بچائڻ جي لاءِ سرگرم آهن، انهن جي ڪا قومي ايجنڊا نه آهي رڳو ذاتي ايجنڊا آهي.
