نویں مالی سال دے وفاقی بجٹ اچ معاشی استحکام گھن آوݨ آلی اصلاحات دی بنیاد رکھیسن ،بلال اظہر کیانی

اسلام آباد۔8جون (اے پی پی):وزیر اعظم دے رابطہ کار معیشت و توانائی بلال اظہر کیانی آکھیے نویں مالی سال دے وفاقی بجٹ اچ ایجھی اصلاحات دی بنیاد رکھیسوں جیں توں ملک اچ معاشی استحکا م آسی ، زراعت ، انفارمیشن ٹیکنالوجی ، سرمایہ کاری دا ودھارا تے کاروبارکیتے سازگارماحول ݙیوݨ حکومت دی اولین ترجیحات اچ شامل ہن، گزریل حکومت دے دوراچ دنیا دی 24 ویں وڈی معیشت کوں 47 ویں پوزیشن تے پڄا تے اداریں کوں کھوکھلا کرڈتا ڳن۔ خمیس کوں اتھاں پریس کانفرنس توں خطاب ??ری??دے ہوئیں انہاں آکھیے اڄ ملک معاشی اتے سفارتی محاذ تے جنہاں مشکلات دا سامݨا ??ری??دا پئے اوسابق حکومت دی ناقص پالیسیاں دا نتیجہ اے ، موجودہ حکومت گزریل سوا سال اچ معاشی اتے سفارتی حالات کوں بہتر کرݨ دی کوشش کیتی ۔ ساریں توں پہلے حکومت آئی ایم ایف نال ڳالھ شروع کیتی ۔ پچھلی حکومت آئی ایم ایف پروگرام چلاوݨ اچ ناکام رہی ، جݙاں پروگرام ول شروع تھیوݨ لڳیے تاں اینکوں سبوتاز کرݨ دی کوشش کیتی ڳئی ۔انہاں آکھیے حکومت اچ آوݨ توں بعد اساں زر مبادلہ دے ذخائر اچ ا??تحکام گھن آوݨا ہئی ۔ کسان پیکیج دے ذریعے 18سو ارب روپے جاری کیتے ڳن۔ ایں سال ݙو کروڑ 72 لکھ میٹرک ٹن کݨک دی پیداوار تھئی ۔